moodle
e-edu
Nazorat va hisobot dasturi
Moodle qo'llanma
O'zbekiston OTMlar reytingi
Фото-галерея
  • Халқаро алоқаларни кучайтириш орқали БухДТИда юқори сифатли таълим ва замонавий ўқув жараёнини ташкил этишда ва БухДТИни Республика олий ўқув юртлари орасида етакчилар қаторидан ўрин олишда кўмаклашиш.

     Ҳалқаро алоқалар бўлими институтнингнинг хорижий олий таълим муассасалари, илмий тадқиқот марказлари ва малака ошириш институтлари билан ҳамкорликни йўлга қўйиш, энг сўнгги ўқув ва илмий тажрибаларни ўрганиш ва уларни таълимга тадбиқ этиш, талаба ва ўқитувчи ходимларни дунёнинг нуфузли таълим муассасаларида тажриба орттириб қайтиши каби ташкилий ишларни мувофиқлаштириш ва бошқарувчи бўлимдир. Бу эса пировардида таълим сифатини оширишга хизмат қилади. Шу билан бирга бўлим институтда ҳалқаро алоқаларни ривожлантиришга, кадрлар тайёрлаш жараёнини такомиллаштириш ҳамда ўқув - услубий ва илмий тадқиқот ишларида жаҳон тажрибасидан самарали фойдаланиш мақсадида ташкил қилинган.

    Халқаро алоқалар бўлимининг вазифалари:

    - Институт билан хорижий олий ўқув юртлари ва илмий тадқиқот марказлари ўртасида ўрнатилаётган алоқаларни шартнома, меморандум, баённома, келишув асосида белгиланган тартибларга мувофиқ расмийлаштириш ва бажарилишини назорат қилиш;

    - Институтга ташриф буюрувчи хорижий мутахассислар, академик ходимлар ва ҳамкор вакилларнинг фаолиятини мувофиқлаштириш;

    - Таълимни ривожлантиришга қаратилган хорижий сармояларни жалб этиш;

    - Институт илимий тадқиқотчилари, стажёр - тадқиқотчи - изланувчиларни, профессор ва ўқитувчи ҳодимлари, талабалари учун таълим грантлари ва илмий тадқиқодлари учун фонд маблағларини олиш учун танловда иштирок этишларига кўмак бериш ва уларни мувофиқлаштириш;

    - Институт ўқитувчи ҳодимлари, тадқиқотчилари, стажёр - тадқиқотчи - изланувчиларни, катта илмий ҳодимларни чет эл хизмат сафарларига боришлари учун ҳужжатларни расмийлаштиришда кўмак бериш ва мувофиқлаштириш;

    - Институт профессор ўқитувчилари ва илмий тадқиқодчилари (стажёр - тадқиқотчи - изланувчиларни)нинг илмий салоҳиятини ошириш учун Ўзбекистон Республикаси Президентининг "ИСТЕДОД” жамғармаси ва бошқа ҳалқаро ташкилот ва таълим фондлари танловларига тавсия этиш;

    - Ўзбекистонда аккредитатсиядан ўтган дипломатик корпус вакиллари билан муносабатларни ўрнатиш ва ривожлантириш.

    Халқаро алоқаларнинг устувор йўналишлари:

    - Институт профессор - ўқитувчилари, стажёр - тадқиқотчи-изланувчилар ва талабалар малакасини ошириш;

    - таълим жараёнига янги педагогик технологияларни тадбиқ қилиш;

    - хорижнинг нуфузли олий та`лим муассасалари билан ҳамкорлик о`рнатиш;

    - халқаро грант ва дастурларда иштирок этиб, хорижий сармояларни жалб қилиш;

    - хорижий ОТМлардан йўналишлар бўйича мутахассисларни маъруза ўқиш учун таклиф қилиш;

    - имзоланган шартномалар доирасида турли муддатли хорижий сафарлар ташкил этиш;

    - хорижий ҳамкор ОТМлар билан биргаликда илмий - амалий конференсиялар, семинарлар ва форумлар ташкил қилиш;

    - Ўзбекистонда фаолият кўрсатаётган элчихона ва ваколатхоналар билан таълим соҳасида дўстона алоқалар ўрнатиш ва бошқалар.

  • Жарилкасинова Гаухар Жанузаковна

    Халқаро алоқалар бўлими бошлиғи

    Tel.: (0365)2230050

    Қабул вақти:Сешанба - Жума(15:00 - 17:00)

    E-pochta: interdep.bsmi@mail.ru, jarilkasinova@umail.uz

  • Абу Али ибн Сино номидаги Бухоро давлат тиббиёт институти

    Халқаро бўлимининг сентябрь-октябрь ойларидаги фаолияти 

    Илмий-педагогик фаолиятга юқори малакали хорижий мутахассисларини жалб қилиш мақсадида институтимизга 2017 йил 11 сентябр куни Украина давлатининг Киев шаҳрида жойлашган (НМАПО) П.Л. Шупик номидаги Миллий тиббиёт дипломдан кейинги академиясининг неврология кафедраси профессори Евгений Александрович Труфанов ташриф буюрди. Ташрифи мақсади- талабаларга ва магистрларга “Паркинсон касаллигини даволашни стандартлари” мавзуида маъруза ўқиди.

    2017 йил 13 сентябр куни Россия Федерациясининг Санкт-Петербург шаҳридаги С.М. Киров номидаги Ҳарбий тиббиёт академияси (Военно-медицинская академия) врачларни малакасини ошириш бўйича 2-терапия кафедраси профессори, т.ф.д. Кравчук Юрий Алексеевич ташриф буюрди. Мақсад – “Гастроэнтерологиянинг долзарб муаммолари” мавзусидаги амалий анжуманда “Неалкогольная жировая болезнь печени и желчнекаменная болезнь – единство патогенетических механизмов, современные подходы к терапии” ва “Гастроэзофагеальная рефлюксная болезнь-“красный сигнал” заболеваний пищеварительной системы” мавзуидаги маърузалари билан қатнашди.

    2017 йил 16-17 сентябрь кунлари Тошкент давлат стоматология кафедраси “Болалар юз-жағ хирургияси” кафедраси профессори, тиббиёт фанлари доктори  Азимов Мухаммаджон Исмаилович Бухоро давлат тиббиёт институтига ташриф буюрди ва институт клиник базаси Бухоро вилоят кўп тармоқли болалар тиббиёт марказининг оториноларингология ва юз-жағ хирургия бўлимларида иккита мураккаб жаррохлик амалиётини: чап томонлама юқори лаб чегараланган туғма нуқсони – хейлопластика ва икки томонлама юқори лаб қаттиқ ва юмшоқ танглай туғма нуқсони хейлопластикадан кейинги ҳолат - уранопластика операцияларини Азимов усулида муваффақиятли амалга оширди.

    2017 йил 4-8 сентябрь кунлари Қозоғистон Республикасининг Алмати шаҳрида бўлиб ўтган “Право мигрантов на охрану здоровья и доступ к медицинским услугам” мавзусидаги халқаро семинарда врачлар малакасини ошириш факультетининг умумий амалиёт врачларини қайта тайёрлаш ва малакасини ошириш курси ассистенти Халилова Ф.А. иштирок этиб қайтди.

    2017 йил 26-28 сентябрь кунлари Қозоғистон Республикасининг Шимкент шаҳридаги ModeHEd лойиҳаси доирасида ўтказилган «Модернизация медицинского образования в университетах» мавзусидаги халқаро илмий-амалий анжуманда, Г.Ж. Жарылкасынова ва умумий амалиёт врачларини қайта тайёрлаш ва малакасини ошириш курси ассистенти З.Н. Раймановалар ўз маърузалари билан иштирок этди.

    Жорий йилнинг 28 сентябрь куни институтмизга академик И.П. Павлов номидаги 1-Санкт-Петербург давлат тиббиёт университети суд тиббиёти кафедраси профессори, т.ф.д. Вячеслав Леонидович Попов ташриф буюрди ва «Судебно-медицинская экспертиза взрывной травмы» мавзусида талабалар, магистрантлар ва клиник ординаторларга маъруза ўқиди.

    30 сентябрь-2 октябрь кунлари Халқаро алоқалар бўлими бошлиғи Жарилкасинова Г.Ж. томонидан Қозоғистон Республкасининг Алмати шаҳрида жойлашга иккита олий таълим муассасаси – С.Д. Асфендияров номидаги Қозоқ Миллий Тиббиёт Университети ва Козоғистон-Россия тиббиёт университетлари билан шартномалар тузиш масалалари, шартномалар асосида академик мобилликни ривожлантириш, талабалар ва профессор-ўитувчилар ўртасидаги алмашинувлар, тажриба алмашиш каби масалалар ечимлари бўйича ташриф бўлди. Бугунги кунда ушбу университетлар билан Шартномалар имзоланди ва амалий ишлар олиб борилмоқда.

    Россия Федерациясининг Москва шахрида 2017 йилнинг 4-6 октябрь кунлари «РОСМЕДОБР-2017»-Тиббиётда ўргатувчи инновацион технологиялар VIII- Халқаро конференцияси ва кўргазмаси бўлиб ўтди. Абу Али ибн Сино номидаги Бухоро давлат тиббиёт институти ректори проф. А.Ш. Иноятовнинг топшириғига биноан конференция ва кўргазма ишида Ўзбекистонда биринчилардан бўлиб “тиббиёт симуляцион маркази” ташкил этиш мақсадида даволаш ва педиатрия факультети декани проф. Ш.Ж. Тешаев, тиббий педагогика ва ОХИ факультети декани доц. У.И. Нуров, стоматология факультети декани доц. Г.Э. Идиевлар иштирок этишди. Конференция 04.10.2017 йилда меҳмонларни И.М. Сеченов номидаги биринчи Москва давлат тиббиёт университети таркибида ташкил этилган “виртуал ўқув клиникаси” билан таништиришдан бошланди. Куннинг иккинчи ярмида реанимация мутахассислигини ўрганиш учун яратилган “Аппалон” роботини ва “симулятор-артроскоп”ни ишлаш принциплари билан таништирилди. 2017 йил 5-октябрда конференция қатнашчиларини Москва шаҳридаги энг катта клиникалардан бири бўлиб ҳисобланган Сергей Петрович Боткин номидаги клиникада ташкил этилган “Тиббий симуляцион марказ” 6илан таништиришди. Бу марказ Европадаги мамлакатлар ичида ягона бўлиб, марказда асосан тиббий амалиёт билан шуғулланувчи врачлар малака оширишади. Марказ директори проф. Ю.И. Логвинов марказнинг иш фаолияти билан меҳмонларни таништирди. Конференция ишида АҚШ, Буюк Британия, Белгия, Голландия, Франция, Япония ва МДҲ мамлакатларидан: Беларуссия, Қозоғистон, Арманистон ваЎзбекистондан делегатлар иштирок этишди. Конференция билан бир пайтда тиббиёт симуляцион роботлар, тренажёрлари, виртуал технологиялар, муляж ва фантомлар кўргазмаси бўлиб ўтди. Кўргазмада симуляцион марказлар яратиш бўйича Россиянинг энг кўзга кўринган “VIRTUMED” ва “ГЭОТАР-МЕДИА” компаниялари билан Бухоро давлат тиббиёт институти ўртасида шартномалар тузилиб, яқин 2-3 ой ичида Бухоро давлат тиббиёт институти қошида янги “Тиббий симуляцион марказ” ташкил этиш келишиб олинди. 

    Акушерлик ва гинекология кафедраси мудири, т.ф.н., доц. Г.А. Ихтиярованинг 2017 йил 6-7 октябрь кунлари Россия Федерациясининг Москва шаҳрида бўлиб ўтадиган “Вселенная женского здоровья” мавзусидаги Халқаро Форумида иштирок этди.

    Юқумли касалликлар кафедраси мудири, т.ф.д., доцент А.Р. Облокулов 2017 йил 9-11 октябрь кунлари Россия Федерацияси Москва шаҳрида бўлиб ўтган 23-чи “Объединенная Российская гастроэнтерологическая неделя” хафталигида фаол қатнашиб келди.

    Қозоғистон Республикасининг Астана шаҳрида 10-12 октябрь кунлари бўлиб ўтган Қозоғистон радиологлар жамиятининг 7-Евроосиё радиологлар форумида хирургик касалликлар, анестезиология ва реанимация кафедраси профессори, тиббиёт фанлари доктори М.М. Абдурахманов «Ультразвуковой мониторинг при флеботропной и компрессионной терапии женщин с варикозным расширением вен малого таза» мавзуидаги маърузаси билан фаол қатнашиб келдилар.

    2017 йил 12 октябрь куни акушерлик ва гинекология кафедрасининг магистрантлари ва профессор-ўқитувчилари билан биргаликда маҳаллий соат 12.00-14.00 да институтимизнинг кичик залида интерфаол режимда видеомаъруза, «Новые тренды в лечении эндометриоза: реальные клинические случаи с реальными пациентами» мавзусида эндометриоз касаллиги бўйича виртуал мастер-класс ўтказилди, маърузачи - профессор Томас Рёмер, Кёльн, Германия.

    12-13 октябрь кунлари режалаштирилган жадвал асосида Германиянинг Виттен/Хердекке (г.Виттен, Германия) университети профессори, махсус касаллар учун стоматология кафедраси мудири Andreas Schulte талабалар ва магистрантлар учун маъруза ўқиди ва мастер класс ўтказди.

    Педиатрия ва болалар хирургияси кафедраси ассистенти А.Т. Ахмедовнинг 2017 йил 11-15 октябрь кунлари, Bangalore International Exhibition Centre, Bengaluru, Karnataka, India, Халқаро тиббиёт кўргазмасида фаол қатнашди.

    Бундан ташқари, даволаш факультети 6-курс талабаси Гулова Мунисахон, 5-курс талабаси Махмудова Мехрангиз ва тиббий-педагогика факультети 2-курс талабаси Хайдарова Фирузалар 2017 йил 13-24 октябрь кунлари Россия Федерациясининг Сочи шаҳрида бўлиб ўтадиган XIX “Всемирный Фестиваль молодежи и студентов” Бутундунё ёшлар ва талабалар фестивалида фаол иштирок этмоқдалар.

    16-18 октябрь кунлари Виртумед марказининг раҳбари Чиндясов Александр Юрьевич, Россия симуляцион ўқитиш маркази жамияти ва Бухоро давлат тиббиёт институти ўртасидаги имзоланган Шартнома асосида институт ректори А.Ш. Иноятовнинг таклифига биноан симуляцион марказни ташкил этиш юзасидан маслаҳат бериш бўйича ташриф буюрди.

    18 октябрь куни Жанубий Корея Республикаси Ёнсей университетининг стоматологик касалликлар профилактикаси ва коммунал стоматология кафедраси мудири, профессор Baek-Il Kim стоматология факультети талабалари ва магистрантлаирга маъруза ўқиш ва мастер класс ўтказиш мақсадида ташриф буюрди.

    25-26 октябрь кунлари институтимиз ректори, тиббиёт фанлари доктори А.Ш. Иноятовнинг “Ecological, clinical and immunological risk factors of congenital defects of maxillofacial area” мавзусидаги маърузаси билан Канада Республикасининг Торонто шаҳрида бўлиб ўтадиган халқаро хирурглар анжуманида қатнашиши режалаштирилган.

    Жорий йилнинг 28-30 октябрь кунлари институт ректори, илмий ишлар проректори ва халқаро бўлим бошлиғи Жанубий Кореянинг Ёнсей ва Чосон университетларига шартнома имзолаш мақсадида ташрифлари режалаштирилган.

    2017 йил 1 ноябр-26 декабрь (икки ой давомида) кунлари Н.И. Пирогов номли Россия миллий тадқиқот тиббиёт университети клиникаларида хирругия стоматология кафедраси ассистентлари, т.ф.н. Жумаев Л.Р., магистр Болтаев А.А. лар, 10 ноябрдан 11 декабргача (бир ой давомида) бўлган даврда ушбу университетнинг терапевтик стоматология кафедраси клиникасида институтимизнинг болалар стоматологияси кафедраси мустақил изланувчилари Тайлакова Д.И., Яриева О.О. лар стажировка ўташи режалаштирилган.